أبناء المدمنين – قصة حقيقية

شاغلني قوي مستقبل الولد ده..
وحاسس بمسؤولية ناحيته..
الولد ده لو ماحصلش تدخلات علاجية كويسة معاه..
ممكن ياخد مخدرات على سن ١٠ سنين..
وممكن يبيع مخدرات على سن ١١ سنة..
ويبقى ديلر..
ويكون ضحية لأب وأم أقل ما يوصفوا به
عدم المسؤولية!!

تعرُّض الولد مبكرا لثقافة #المخدرات..
هيقلل حساسيته وخوفه من المخدرات..
ويشيل الحاجز النفسي اللي بينه وبينها..
وده هيخليه أجرأ أنه ممكن ياخد مخدرات..
ويخلي عنده الرغبة في أنه يجرب أو ياخد..
أعلى بكتير من أقرانه..
واحتمال كمان أنه يبقى ديلر ويبيع مخدرات..
ده احتمال عال جدا..

شفت كذا ولد وبنت سنهم ما بين ١١-١٣ سنة..
أبوه أو أمه بيخلوهم يوزعوا مخدرات..
بمعنى أن الولد أصبح ديلر..
إما بسبب باباه أو مامته..
أو بسبب استغلاله من جانب عصابات #المخدرات..
ودي كارثة رهيبة..
وموجودة في العالم كله..
استغلال الأطفال والمراهقين في ترويج المخدرات..
العصابات بتستغل صغر سنهم..
اندفاعيتهم.. تهورهم.. وعدم تقديرهم لعاقبة تصرفاتهم..
وكمان صحيفة الحالة الجنائية بتاعتهم مفيهاش حاجة..
واحتمال مايكونش معاه بطاقة!
وعادة القوانين ترأف بهؤلاء الصغار..
في بريطانيا؛ إدارة مكافحة الجريمة..
فككت حوالي ٧٥٠ قناة توزيع مخدرات..
تضم آلاف الأطفال والمراهقين..
حسب صحيفة الإندبندنت.. والكلام دا من حوالي سنة..

نرجع لحالة “ي*”!
تعرُّض الولد مبكرا لثقافة المخدرات..
هيقلل حساسيته وخوفه من المخدرات..
ويشيل الحاجز النفسي اللي بينه وبينها..
وده هيخليه أجرأ أنه ممكن ياخد مخدرات..
ويخلي عنده الرغبة في أنه يجرب أو ياخد..
أعلى بكتير من أقرانه..
الولد محتاج تدخلات علاجية..
يتم فيها زيادة عوامل الحماية Protective Factors
ويتم بها تقليل عوامل الخطورة Risk Factors

وجود أم مدمنة..
وجود أب مسجون على ذمة قضية مخدرات..
أنه يشوف المخدرات..
أنه يشوف أمه وهى بتاخد مخدرات..
أنه يشوف السرنجات وأدوات المخدرات..
كلها عوامل خطورة..
ممكن تخليه ياخد مخدرات..

عوامل الحماية Protective Factors اللي محتاجها “ي*”..
أنه يكون موجود مع أسرة بديلة..
كنت شايف يكون مع خالته وجدته أفضل..
هم مش بياخدوا مخدرات..
ويقدروا يساعدوه..
ويوفروا بديل مناسب للأب والأم..

كمان “ي*” محتاج أن تتم متابعته من قبل الفريق العلاجي اللي بيعالج مامته..
ويتدخل معاهم حد من الزملاء اللي شغالين أطفال..
مع عمل بعض الاختبارات والقياسات النفسية..
اللي نقدر نحدد بها بعض الاضطرابات النفسية موجودة عند الولد أم لا..

لو أنت شاب أو فتاة وأنت مدمن..
بلاش تاخدوا قرار بالزواج وتجيبوا أولاد مدمنين..
الزواج يكون بعد التعافي وبعد ما تحل مشكلتك مع المخدرات..
إنجاب الأطفال مش لعبة!!

الأسرة..
بلاش تزوجوا أولادكم وهم لسه مدمنين نشطين..
على فكرة الزواج مش هيحل مشكلة الإدمان..
خليه يتعالج الأول وبعدين يتزوج..
في العلاج بنقول على الأقل سنة بعد العلاج..
على الأقل علشان يقدر ياخد قرار بالزواج..