علاج الإدمان من المخدرات: قصة نجاح

لما حد بيسألنا ينفع يتعالج من المخدرات ؟!

وهل فيه أمل في العلاج؟!

بنحب نضرب مثال بالممثل ده..

 

روبرت داوني جونيور Robert Downey Jr.

شرب ماريجوانا وسنه ٦ سنوات عن طريق والده..

اعتقل أكثر من مرة لتعاطي مخدرات في الأماكن العامة..

أدمن المخدرات في سن ٢٩ سنة..

وقضى عقوبة بالسجن في قضية تعاطي..

انفصلت عنه زوجته وابنه..

وعااااش حياة مشردة..

 

قرر التوقف عن الإدمان والبدأ في العلاج..

تعرف على المنتجة سوزان ليفن..

ساعدته ووقفت جنبه..

واتعالج..

 

روبرت داوني دلوقتي الممثل الأعلى أجرا في السينما الأمريكية..

دخله العام الماضي فقط٨٠ مليون دولار..

 

عم (…)، أحد المتعافين اللي كانوا بيتعالجوا معانا..

جه للعلاج وسنه ٥٤ سنه..

وكان أول مرة يتعالج..

تاجر في المخدرات واتسجن..

ولما قرر يتعالج..

أخد قرار العلاج بجدية قووووي..

كان كل صبح يصحي الشباب في البرنامج العلاجي..

ويقول لهم: التبطيل مفيهوش هزار…اللي عايز يبطل ميهزرش..

التبطيل عايز رجالة!!!

عم (..) مبطل له حوالي ٣ سنين..

وبيساعدنا في العلاج..

وصحته ما شاء الله زي الفل..

 

ينفع تبطل..

وتعيش حياة سوية من غير مخدرات..

تقدر تبتدي حياة سعيدة من جديد..

من غير مخدرات..

وترجع تنتج وتكون فرد صالح منتج في المجتمع..

تقدر ترجع تحس من جديد من غير مخدرات..

تحس بالكون والجمال والميه والهوا..

تقدر تحب من غير مخدرات..

تقدر ترقص وتغني وتفرح من غير مخدرات..

تقدر تبطل وتسعد نفسك وأسرتك والمجتمع من حواليك..

تقدر تكون عنصر أمان لكل اللي حواليك..

بعد ما كنت سبب ألم ومعاناة وخوف لهم..

 

تقدر من جديد..

تستعيد صحتك..

دراستك..

شغلك..

تزود إنتاجيتك ودخلك..

تحقق نجاحات كتيرة.

 

يلا خد قرار بالعلاج وبطل..

التبطيل للرجالة.